Talsperson

Ein talsperson er ein nøytral vaksen med erfaring frå arbeid med barn. Talspersonen blir oppnemnd av nemnda for å snakke med barnet om saka. Talspersonen si oppgåve er å:

• informere barnet om saka
• lytte til barnet
• forstå barnet sitt syn
  formidle barnet sitt syn til nemnda og partane i saka

Det er frivillig for barnet å medverke. Nemnda oppnemner ikkje talsperson dersom barnet ikkje ønskjer det.

Kvar barneverns- og helsenemnd har ansvar for å oppnemne eit utval personar som ønskjer å ta på seg oppdrag som talspersonar. Har du spørsmål om ordninga, ta kontakt med nemnda som har kontorstad nærast der du bur.

Før du kan bli oppnemnd som talsperson i ei konkret sak, må du levere ei politiattest utan merknader, jf. politiregisterlova § 39 fyrste ledd.

Slik søkjer du:

1. Nemnda sender deg ei stadfesting på føremålet med politiattesten.
2. Du søkjer digitalt via politiet sine nettsider og legg ved stadfestinga.
3. Politiet behandlar søknaden (vanlegvis innan 14 dagar).
4. Når du mottek attesten, sender du ho via Saksportalen til nemnda.

Du treng ikkje ny politiattest dersom du tidlegare har levert ei som talsperson. Har du attest frå andre føremål, må du søkje på nytt.

Du kan ikkje vere talsperson i den saka dersom du:

• er tilsett i eit organ som behandlar saka
• har tilknyting til barnevernstenesta, foreldra eller deira advokatar.

Er du i tvil om di habilitet, må du kontakte nemnda med ein gong.

Som talsperson har du teieplikt. Det betyr at du ikkje kan dele personlege opplysningar du får vite som talsperson. Dette gjeld òg informasjon om personar sin fødselsdato, adresse, statsborgarskap, yrke og liknande.

Når nemnda oppnemner ein talsperson for å snakke med barn, følgjer det eit viktig ansvar: samtalen skal dokumenterast i ein rapport. Dette er fastsett i medverknadsforskrifta, som stiller klare krav til kva rapporten skal innehalde.

For å gjere dette enklare har vi laga ein rapportmal som tek vare på alle krava i forskrifta. Malen er tilgjengeleg for nedlasting her og er tilrådd å bruke. Det er ikkje obligatorisk å nytte malen, men dersom du vel ei anna løysing, må du sørgje for at alle krava i forskrifta blir oppfylte.

Slik gjer du:

• Når du får oppnemningsbrevet som talsperson, finn du lenkja til rapportmalen på heimesida.
• Last ned malen og bruk ho til å dokumentere samtalen med barnet.
• Send den ferdige rapporten til nemnda via saksportalen.

Kvifor bruke malen?

• Ho sikrar at alle lovpålagde krav er oppfylte.
• Ho gir ein strukturert og ryddig måte å rapportere på.

Vi tilrår òg at du les Snakk med meg – ein rettleiar om å snakke med barn i barnevernet, som gir nyttige råd og tips til korleis samtalen med barnet kan gjennomførast på ein god måte.

Last ned rapportmalen her
Les rettleiaren Snakk med meg – ein rettleiar om å snakke med barn i barnevernet

Talspersonar får honorar etter gjeldande sats: kr 394 per time.
 

Kva som blir dekka:

• inntil 8 timar til førebuing og samtalar
• møte i nemnda
• reise- og kostgodtgjersle etter Statens regulativ

Ved særlege forhold (t.d. fleire barn) kan det bli gitt godtgjersle utover 8 timar.
 

Reisefråvær:

• 08.00–16.00 (kvardagar): godtgjersle for reisetid og fråvær
• Utanom dette: berre reisetid
• 22.00–06.00: ingen godtgjersle
• Fråvær må vere over 30 minutt for å gi godtgjersle

Registrering av krav:
Etter oppdraget registrerer du krav via:

• DFØ sin nettportal (pålogging via ID-porten)
• Appen «DFØ Sjølvbetening» (App Store / Google Play)

Nemnda må bestille tilgang før første gong du brukar tenesta.
 

Unntak:
Papirskjema kan brukast ved reservert elektronisk kommunikasjon. Unntak må grunngivast.
 

Dokumentasjon og vedlegg:
Ved krav om refusjon må du leggje ved:

• kvitteringar for reiseutgifter (utanom bompengar og billegaste offentlege transport)
• kvitteringar for andre utlegg
• ved flyreiser: dokumentasjon på strekning, dato, kostnad og namn

Digital innlevering gir raskare utbetaling.

Lønnsart:
5534: Honorar utval

Om oppdraget: Kontakt nemnda der oppdraget vart utført
Teknisk støtte: Kontakt kundesenteret til DFØ på telefon 40 01 86 59 eller e-post lonn@dfo.no